864 
865 
866
867 
868
869 
870
871 
872 
873 
874 
875 
876 
877 
878 
879 
880
881 
882
883
884 
885 
886 
887
888 
889 
890 
891 
892
893 
894 
895
896
897 
898 
899
900 
901 
902
903
904 
905 
906 
907 
908 
909 
910
911 
912 
913 
914 
915
916
917 
918 
919
920
921 
922 
923
924 
925

N
 
 
 
 
 
 
 
 
 
 
 
 
 
 
 
 
 

N
 

N
 
 
 
 
 
 
 
 
 
 
 
 
 
 
 
 
 
 
 
 
 

N

   On a day long befor this tyme, whyl thys creatur was beryng chylder and sche was
newly delyveryd of a chyld, owyr Lord Cryst Jhesu seyd to hir sche schuld no mor
chyldren beryn, and therfor he bad hyr gon to Norwych. And sche seyd, "A, der Lord,
how schal I gon? I am bothe feynt and feble." "Drede the not, I schal make the strong
inow. I byd the gon to the vykary of Seynt Stefenys and sey that I gret hym wel and
that he is an hey chossyn sowle of myn, and telle hym he plesyth me mech wyth hys
prechyng and schew hym thy prevytés and myn cownselys swech as I schewe the."
Than sche toke hyr wey to Norwychward and cam into hys cherch on a Thursday a
lytyl befor noon. And the vykary went up and down wyth another prest whech was
hys gostly fadyr that levyd whan this boke was mad. And this creatur was clad in blak
clothyng that tyme. Sche salutyd the vykary, preyng hym that sche mygth speke wyth
hym an owyr or ellys tweyn owyrs at aftyrnone whan he had etyn in the lofe of God.
He, lyftyng up hys handys and blyssyng hym, seyd, "Benedicité. What cowd a woman
ocupyn an owyr er tweyn owyrs in the lofe of owyr Lord? I schal nevyr ete mete tyl I
wete what ye kan sey of owyr Lord God the tyme of on owyr." Than he sett hym
down in the chirche. Sche, syttyng a lytyl besyde, schewyd hym all the wordys whech
God had revelyd to hyr in hyr sowle. Sythen sche schewyd hym al hyr maner of
levyng fro hyr chyldhod as ny as it wolde come to hir mende: how unkynd sche had
ben ageyn owyr Lord Jhesu Crist, how prowde and veyne sche had ben in hir aport,
how obstynat ageyns the lawes of God, and how envyows ageyn hir evyn cristen,
sythen, whan it plesyd owyr Lord Crist Jhesu, how sche was chastysed wyth many
tribulacyons and horrybyl temptacyons, and aftyrward how sche was fed and comfortyd
wyth holy medytacyons and specyal in the mende of owyr Lordys Passyon. And,
whyl sche dalyed in the Passyon of owyr Lord Jhesu Crist, sche herd so hedows a
melodye that sche mygth not ber it. Than this creatur fel down as yf she had lost hir
bodyly strength and lay stylle a gret whyle, desyryng to put it away, and sche mygth
not. Than knew sche wel be hir feyth that ther was gret joye in hevyn, wher the lest
poynt of blys wythowtyn any comparyson passeth al the joye that evyr myt be thowt
er felt in this lyfe. Sche was gretly strengthyd in hir feyth and mor bold to tellyn the
vykary her felyngys whech sche had be revelacyons bothen of qwyk and of ded and of
hys owyn self. Sche teld hym how sumtyme the Fadyr of hevyn dalyd to hir sowle as
pleynly and as veryly as o frend spekyth to another be bodyly spech; sumtyme the
Secunde Persone in Trinyté; sumtyme alle thre Personys in Trinyté and o substawns 
in Godhede dalyid to hir sowle and informyd hir in hir feyth and in hys lofe how sche
schuld lofe hym, worshepyn hym, and dredyn hym, so excellently that sche herd nevyr
boke, neythyr Hyltons boke, ne Bridis boke, ne Stimulus Amorys, ne Incendium Amoris,
ne non other that evyr sche herd redyn that spak so hyly of lofe of God but that sche
felt as hyly in werkyng in hir sowle yf sche cowd or ellys mygth a schewyd as sche
felt. Sumtyme owyr Lady spak to hir mend. Sumtyme Seynt Petyr, sumtyme Seynt
Powyl, sumtym Seynt Kateryn, er what seynt in hevyn sche had devocyon to aperyd
to hir sowle and tawt hir how sche schuld lovyn owyr Lord and how sche schuld
plesyn hym. Her dalyawns was so swet, so holy, and so devowt that this creatur myt
not oftyntymes beryn it but fel down and wrestyd wyth hir body and mad wondyrful
cher and contenawns wyth boystows sobbyngys and gret plenté of terys, sumtyme
seyng "Jhesu, mercy," sumtyme "I dey." And therfor mech pepyl slawndryd hir, not
levyng it was the werke of God but that sum evyl spyrit vexid hir in hir body er ellys
that sche had sum bodyly sekenesse. Notwythstondyng the rumowr and grutchyng of
the pepyl agen hir, this holy man, vykary of Seynt Stefenys chyrch of Norwych, whom
God hath exaltyd and thorw mervelyows werkys schewyd and prevyd for holy, evyr
held wyth hir and supportyd hir agen hir enmys into hys powyr aftyr the tyme that
sche be the byddyng of God had schewyd hym hir maner of governawns and levyng,
for he trustly belevyd that sche was wel lernyd in the lawe of God and indued wyth
grace of the Holy Gost, to whom it longyth to enspyr wher he wyl. And, thow hys
voys be herd, it is not wyst of the werld fro when it comyth er whedyr it goth. Thys
holy vykary aftyr this tyme was confessowr to this creatur alwey whan sche cam to
Norwych and howsyld hir wyth hys owyn handys. And, whan sche was on a tyme
moneschyd to aper befor certeyn offycerys of the bysshop to answer to certeyn artyculys
whech schuld be put ageyn hir be the steryng of envyows pepyl, the good vykary,
preferryng the lofe of God befor any schame of the world, went wyth hir to her hir
examynacyon and delyveryd hir fro the malys of hyr enmys. And than was it revelyd to
this creatur that the good vykary schuld levyn sevyn yer aftyr and than he schuld
passyn hens wyth gret grace, and he dede as sche had.