1864 
1865
1866 
1867 
1868 
1869 
1870 
1871
1872 
1873 
1874 
1875 
1876
1877 
1878
1879
1880 
1881
1882
1883
1884 
1885 
1886 
1887
1888 
1889 
1890
1891
1892 
1893 
1894 
1895
1896
1897 
1898 
1899 
1900
1901
1902 
1903

N
 
 
 
 
 
 
 
 
 
 
 
 
 
 
 
 
 
 
 

N
 

N
N

   Whan this creatur sey sche was forsakyn and put fro among the good men, sche
was ful hevy, most for sche had no confessowr ne myth not be schrevyn than as sche
wolde. Than preyde sche owyr Lord of hys mercy that he wolde disposyn for hir as
was most plesawns unto hym, wyth gret plenté of teerys. And sithyn sche clepyd onto
hir the forseyd Richard wyth the broke bak, preyng hym to go ovyr to a cherch agen
the hospital and enformyn the person of the chyrche of hir maner of governawnce,
and what sorwe sche had, and how sche wept for sche myth not be schrevyn ne
howselyd, and what compunccyon and contricyon sche had for hir synnes. Than Ri-
chard went to the person and enformyd hym of this creatur, and how owyr Lord gaf
hir contricyon and compunccyon wyth gret plenté of teerys, and how sche desired to
be howseld every Sonday yyf sche myth and sche had no preste to be schrevyn to.
And than the person, heryng of hir contricyon and compunccyon, was ryth glad and
bad sche schulde come to hym in the name of Jhesu and sey hir confiteor, and he
schulde howseln hire hys owyn self, for he cowde not undyrstond non Englysch. Than
owyr Lord sent Seynt John the Evangelyst to heryn hir confessyon, and sche seyd
"Benedicité." And he seyd "Dominus" verily in hir sowle that sche saw hym and herd
hym in hire gostly undirstondyng as sche schuld a do an other preste be hir bodily
wittys. Than sche teld hym alle hir synnes and al hir hevynes wyth many swemful
teerys, and he herd hir ful mekely and benyngly. And sythyn he enjoyned hir penawns
that sche schuld do for hir trespas and asoyled hir of hir synnes wyth swet wordys and
meke wordys, hyly strengthyng hir to trostyn in the mercy of owyr Lord Jhesu Crist,
and bad hir that sche schulde receyven the sacrament of the awter in the name of
Jhesu. And sithyn he passyd awey fro hir. Whan he was go, sche preyd wyth al hir hert
alle the tyme as sche herd hir messe, "Lord, as wistly as thu art not wroth wyth me,
grawnt me a welle of teerys, wherthorw I may receyve thi precyows body wyth al
maner terys of devocyon to thi worshep and encresyng of my meryte, for thu art my
joye, Lord, my blysse, my comfort, and alle the tresor that I have in this world, for
other werdlys joye coveyt I non but only the. And therfor, my derworthy Lord and my
God, forsake me not." Than owyr blysful Lord Crist Jhesu answeryd to hir sowle and
seyd, "My derworthy dowtyr, I swer be myn hy magesté that I schal nevyr forsakyn
the. And, dowtyr, the mor schame, despite, and reprefe that thu sufferyst for my lofe,
the bettyr I lofe the, for I far liche a man that lovyth wel hys wyfe, the mor envye that
men han to hir the bettyr he wyl arayn hir in despite of hir enmys. And ryth so, dowtyr,
schal I faryn wyth the. In no thyng that thu dost, dowtyr, ne seyest, thu mayst no bettyr
plesyn God than belevyn that he lovyth the, for, yyf it were possybyl that I myth
wepyn wyth the, I wold wepyn wyth the, dowtyr, for the compassion that I have of the.
Tyme schal come whan thu schalt holdyn the ryth wel plesyd, for it schal be verifyed in
the the comown proverbe that men seyn, `He is wel blyssed that may sytten on hys wel
stool and tellyn of hys wo stool.' And so schalt thu don, dowtyr, and al thi wepyng
and thi sorwe schal turnyn into joy and blysse, the whech thu schalt nevyr mysse."