2157
2158
2159
2160
2161
2162
2163
2164
2165
2166
2167
2168
2169
2170
2171
2172
2173
2174
2175
2176
2177
2178
2179
2180
2181
2182
2183
2184
2185
2186
2187
2188
2189
2190
2191
2192
2193
2194 |
N
|
38
Afftyr that this creatur had thus govyn awey hir
good and had neyther peny ne
halfpeny to helpyn hirself wyth, as sche lay in Seynt
Marcellys Chirche in Rome,
thynkyng and stodying wher sche schuld han hir levyng inasmech
as sche had no sylvir
to cheys hir wyththal, owr Lord answeryd to hir mende and seyde,
"Dowtyr, thu art
not yet so powr as I was whan I heng nakyd on the cros for thy
lofe, for thu hast
clothys on thy body, and I had non. And thow hast cownseld other
men to ben powr
for my sake, and therfor thu must folwyn thyn owyn cownsel. But
drede the not,
dowtyr, for ther is gold to theward, and I have hyte the befortyme
that I wolde nevyr
fayl the. And I schal preyn myn owyn modir to beggyn for the,
for thu hast many tymes
beggyd for me and for my modir also. And therfor drede the not.
I have frendys in
every cuntré and schal make my frendys to comfort the."
Whan owr Lord had thus
swetly dalyed to hir sowle, sche thankyd hym of this gret comforte,
havyng good trost
it schuld be as he seyd. Sythen sche, risyng up, went forth in
the strete and met casualy
wyth a good man. And so they fellyn in good comunicacyon as thei
went togedir be
the wey, to whom sche had many good talys and many good exhortacyonys
tyl God
visited hym wyth terys of devocyon and of compunccyon to hys
hey comfort and
consolacyon. And than he gaf hir mony, be the whech sche was
wel relevyd and
comfortyd a good while. Than on a nyth sche say in vision how
owyr Lady, hir thowt,
sat at the mete wyth many worshepful personys and askyd mete
for hir. And than
thowt this creatur that owr Lordys wordys wer fulfilled gostly
in that vision, for he
behestyd this creatur a lityl beforn that he schuld preyn hys
modir to beggyn for hir. And
in schort tyme aftyr this visyon sche met wyth a worshepful lady,
Dame Margarete
Florentyn, the same lady that browt hir fro Assyse into Rome.
And neithyr of hem
cowd wel undirstand other but be syngnys er tokenys and in fewe
comown wordys.
And than the lady seyd onto hir, "Margerya in poverté?"
Sche, undirstondyng what
the lady ment, seyd agen, "Ya, grawnt poverté, Madam."
Than the lady comawndyd
hir to etyn wyth hir every Sonday and set hir at hir owen tabil
abovyn hirself and leyd
hir mete wyth hir owyn handys. Than thys creatur sat and wept
ful sor, thankyng owr
Lord that sche was so cheryd and cherisched for hys lofe of hem
that cowd not
undirstond hir langage. Whan thei had etyn, the good lady used
to takyn hir an hamper
wyth other stuffe that sche myght makyn hir potage therwyth,
as meche as wolde
servyn hir for a too days mete, and filled hir botel wyth good
wyn. And sumtyme sche
gaf hir an eight bolendinys therto. And than an other man inRome,
whech was clepyd
Marcelle, bad hir to mete two days in the woke, whos wyfe was
gret wyth childe, hyly
desiryng to have had this creatur to godmodyr to hir childe whan
it had ben born, and
sche abood not so long in Rome. And also ther was an holy mayden
gaf this creatur hir
mete on the Wednysday. Other days whan sche was not purveyd sche
beggyd hir
mete fro dor to dore. |