2753 
2754 
2755 
2756 
2757
2758 
2759
2760 
2761 
2762 
2763 
2764 
2765 
2766
2767 
2768
2769 
2770
2771 
2772 
2773 
2774 
2775
2776 
2777
2778
2779
2780 
2781
2782 
2783 
2784
2785 
2786 
2787 
2788 
2789 
2790 
2791 
2792 
2793 
2794 
2795
2796
2797 
2798
2799 
2800
2801 
2802 
2803
2804
2805
2806 

N
 
 
 
 
 
 
 
 
 
 
 
 
 
 
 
 

N
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

So sche went fyrst to the Abbey of Leycetyr into the chirche, and, as sone as the 
Abbot had aspyed hir, he, of hys goodnes, wyth many of hys brethyr, cam for wolcomyn 
hir. Whan sche sey hem comyn, anon in hir sowle sche beheld owr Lord comyng wyth 
hys apostelys, and sche was so raveschyd into contemplacyon wyth swetnes and 
devocyon that sche myth not stondyn ageyns her comyng as curtesy wolde but lenyd 
hir to a peler in the chirche and held hir strongly therby for dred of fallyng, for sche 
wold a stondyn and sche myth not for plenté of devocyon whech was cawse that sche 
cryed and wept ful sor. Whan hir criyng was ovyrcomyn, the Abbot preyd hys brethyr 
to have hir in wyth hem and comfortyn hir, and so thei govyn hir ryth good wyn and 
madyn hir ryth good cher. Than sche gat hir a lettyr of the abbot to my Lord of Lyncolne 
into record what conversacyon sche had ben the tyme that sche was in Leicetyr. And 
the Deen of Leicetyr was redy to recordyn and witnessyn wyth hir also, for he had gret 
confidens that owre Lord lovyd hir, and therfor he cheryd hir ful hily in hys owyn 
place. And so sche toke leve of hir sayd sone, purposyng forth to Lyncolnward wyth 
a man whech hite Patryk, that had ben wyth hir at Seynt Jamys befortyme. And as this 
tyme he was sent be Thomas Marchale beforn seyd fro Melton Mowmbray to Leycetyr 
for to inqwir and se how it stod wyth the same creatur. For the forseyd Thomas Marchal 
feryd meche that sche schuld a be brent, and therfor he sent this man Patryk to prevyn 
the trewth. And so sche and Patryk wyth many good folke of Leicetyr comyn to cheryn 
hir, thankyng God that had preservyd hir and govyn hir the victory of hir enmyis, 
wentyn forth owt at the townys ende and madyn hir ryth good cher, behestyng hir yf 
evyr sche come ageyn sche schuld han bettyr cher among hem than evyr sche had beforn. 
Than had sche forgetyn and left in the towne a staf of a Moyses yerde whech sche had 
browt fro Jerusalem, and sche wold not a lost it for forty shillings. Than went Patryk 
agen into the towne for hir staffe and hir scryppe and happyd to metyn wyth the meyr, 
and the meir wolde a putte hym in preson. So at the last he scapyd of hard and left ther 
hir scrippe. Than the forseyd creatur abood this man in a blynd womanys hows in gret 
hevynes, dredyng what was fallyn of hym for he was so long. At the last this man cam 
rydyng forby ther that sche was. Whan sche sey hym sche cryed, "Patryk, sone, wher 
ha ye ben so long fro me?" "Ya, ya, modyr," seyd he, "I have ben in gret perel for 
yow. I was in poynt to a ben put in preson for yow, and the meyr hath gretly turmentyd 
me for yow, and he hath takyn awey yowr scrippe fro me." "A, good Patryk," seyd 
sche, "be not displesyd, for I schal prey for yow, and God schal rewardyn yowr labowr 
ryth wel; it is al for the best." Than Patryk set hir upon hys hors and browt hir hom into 
Melton Mowmbray into hys owyn hows wher was Thomas Marchale befor wretyn 
and toke hir down of the hors, hyly thankyng God that sche was not brent. So thei 
enjoyed in owr Lord al that nyth. And aftyrward sche went forth to the Byschop of 
Lyncolne ther he lay that tyme. Sche, not verily knowyng wher he was, met a 
worschepful man wyth a furryd hood, a worthy officer of the bischopys, whech seyd 
unto hir, "Damsel, knowyst thu not me?" "No, sir," sche seyd, "forsothe." "And yet 
thow wer beholdyn," he seyd, "for I have sumtyme mad the good cher." "Sir, I trust 
that ye dedyn ye dedyn for Goddys lofe, and therfor I hope he schal ryth wel rewardyn 
yow. And I prey yow heldyth me excusyd, for I take lytil heed of a mannys bewté er 
of hys face, and therfor I forgete hym meche the sonar." And than he teld hir goodly 
wher sche schulde have the bischop. And so sche gat hir a lettyr of the bischop to the 
meyr of Leycetyr, monyschyng hym that he schulde not vexyn hir ne lettyn hir to gon 
and comyn whan sche wolde. Than ther fellyn gret thunderys and levenys and many 
reynes that the pepil demyd it was for venjawns of the sayd creatur, gretly desyryng 
that she had ben owt of that cuntré. And sche wolde in no wise gon thens tyl that sche 
had hir scryppe ageyn. Whan the seyde meyr receyved the forseyd lettyr, he sent hir 
hir skryppe and leet hir gon in safté wher sche wolde. Three wokys sche was lettyd of 
hir jurney be the meyr of Leycetyr er he wold letyn hyr gon owt that cooste. Than sche 
hyryd the forseyd man Patryk to gon wyth hir in the cuntré and so went thei forth to 
Yorke.