2807
2808
2809 
2810
2811
2812 
2813 
2814 
2815
2816 
2817 
2818 
2819 
2820 
2821 
2822 
2823 
2824 
2825 
2826 
2827 
2828 
2829 
2830
2831 
2832
2833
2834 
2835 
2836 
2837 
2838 
2839
2840

N
 
 
 

N
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

Whan sche was com into Yorke, sche went to an ancres wheche had lovyd hir wel 
er sche went to Jerusalem to han knowlach of hyr gostly encres, also desiryng for mor 
gostly communicacyon to etyn wyth the ancres that day no thyng ellys but bred and 
watyr, for it was on owr Ladiis Evyn. And the ancres wolde not receyven hir, for sche 
had herd telde so mech evyl telde of hir. So sche went forth to other fremd folk, and 
thei made hir rith good cher for owr Lordys lofe. On a day, as sche sat in a chirche of 
Yorke, owr Lord Jhesu Crist seyd in hir sowle, "Dowtyr, ther is meche tribulacyon to 
thewarde." Sche was sumdel hevy and abaschyd therof and therfor sche, syttyng stille, 
answeryd not. Than seyd owr blissed Lord agen, "What, dowtyr, art thu evyl payd for 
to suffyr mor tribulacyon for my lofe? Yyf thu wilte no mor suffyr, I schal take it awey 
fro the." And than seyd sche agen "Nay, good Lord, late me be at thi wille and make 
me mythy and strong for to suffyr al that evyr thu wilt that I suffyr, and grawnt me 
mekenes and pacyens therwyth." And so, fro that tyme forwarde that sche knew it was 
owr Lordys wille that sche schulde suffyr mor tribulacyon, sche receyved it goodly 
whan owr Lorde wolde send it and thankyd hym hily therof, beyng ryth glad and mery 
that day that sche suffryd any disese. And be processe of tyme that day whech sche 
suffyrd no tribulacyon sche was not mery ne glad as that day whan sche suffyrd 
tribulacyon. Sithyn, as sche was in the Mynster at Yorke forseyd, a clerk cam to hir, 
seying, "Damsel, how long wil ye abydyn her?" "Ser," sche seyd, "I purpose to abyden 
thes fourteen days." And so sche dede. And in that tyme many good men and women 
preyd hir to mete and madyn hir ryth good cher and weryn ryth glad to heryn hyr 
dalyawns, havyng gret merveyle of hir speche for it was fruteful. And also sche had 
many enmyis whech slawndryd hir, scornyd hir, and despysed hir, of whech o prest 
cam to hir whil sche was in the seyd Mynstyr and, takyng hir be the coler of the 
gowne, seyd, "Thu wolf, what is this cloth that thu hast on?" Sche stod stylle and not 
wolde answeryn in hir owyn cawse. Childer of the monastery goyng besyde seyd to 
the preste, "Ser, it is wulle." The preste was anoyed for sche wolde not answer and 
gan to sweryn many gret othis. Than sche gan to spekyn for Goddys cawse; sche was 
not aferd. Sche seyd, "Ser, ye schulde kepe the comawndmentys of God and not sweryn 
so necgligently as ye do." The preste askyd hir hoo kept the comawndmentys. Sche 
seyd, "Ser, thei that kepyn hem." Than seyd he, "Kepyst thu hem?" Sche seyd ageyn, 
"Syr, it is my wille to kepyn hem, for I am bownde therto, and so ar ye and every man 
that wil be savyd at the last." Whan he had long jangelyd wyth hir, he went awey 
prevyly er sche was war, that sche wist not wher he bacam.