4909 
4910
4911 
4912 
4913
4914 
4915 
4916
4917 
4918 
4919 
4920
4921 
4922 
4923 
4924 
4925 
4926 
4927 
4928 
4929 
4930 
4931 
4932
4933 
4934 
4935
4936 
4937
4938 
4939 
4940 
4941 
4942 
4943
4944
4945 
4946 
4947 
4948 
4949 
4950 
4951 
4952
4953 
4954
4955 
4956 
4957 
4958 
4959 
4960
4961 
4962 
4963 
4964 
4965
4966 
4967 
4968 
4969 
4970 
4971 
4972
4973 
4974
4975 
4976
4977 
4978

N
N
 
 
 
 
 
 
 
 
 
 
 
 
 
 
 

N
 
 
 
 
 

N
 
 
 
 

N
 
 
 
 
 
 
 
 
 
 
 
 
 
 
 
 
 
 
 
 

On a tyme, as the sayd creatur was knelyng beforn an awter of the cros and seying 
on an oryson, hir eyne wer evyr togedirward as thow sche schulde a slept. And at the last 
sche myth not chesyn; sche fel in a lityl slomeryng, and anon aperyd verily to hir 
syght an awngel al clothyd in white as mech as it had ben a lityl childe beryng an
howge boke beforn hym. Than seyd the creatur to the childe, er ellys to the awngel, 
" sche seyd, "This is the boke of lyfe." And sche saw in the boke the Trinité and al 
in gold. Than seyd sche to the childe, "Wher is my name?" The childe answeryd and 
seyd, "Her is thi name at the Trinyté foot wretyn," and therwyth he was ago, sche wist 
not how. And anon aftyr owr Lord Jhesu Crist spak unto hir and seyde, "Dowtyr, loke 
that thu be now trewe and stedfast and have a good feith, for thi name is wretyn in 
hevyn in the boke of lyfe, and this was an awngel that gaf the comfort. And therfor, 
dowtyr, thu must be ryth mery, for I am ryth besy bothe for none and aftyr none to 
drawe thin hert into myn hert, for thu schuldist kepyn thi mende altogedyr on me, and 
schal most encresyn thi love to God. For, dowtyr, yyf thu wilt drawyn aftyr Goddys 
cownsel, thu maist not don amys, for Goddys cownsel is to be meke, pacient in charité 
and in chastité. An other tyme, as the creatur lay in hir contempplacyon in a chapel of 
owr Lady, hir mynde was ocupiid in the Passyon of owr Lord Jhesu Crist, and hyr 
thowt verily that she saw owr Lord aperyn to hir gostly syght in hys manhod with hys 
wowndys bledyng as fresch as thow he had ben scorgyd beforn hir. And than sche 
wept and cryid wyth alle the myghtys of hir body, for, yyf hir sorwe wer gret beforn 
this gostly syght, yet it was wel grettar aftyr than it was beforn, and hir love was mor 
encresyd to owr Lord ward. And than had sche gret wondyr that owr Lord wolde 
becomyn man and suffyr so grevows peynys for hir that was so unkynde a creatur to 
hym. An other tyme, as sche was in a chirch of Seynt Margarete in the qwer, beyng in 
gret swetnes and devocyon wyth gret plenté of teerys, sche askyd owr Lord Jhesu 
Crist how sche myght best plesyn hym. And he answeryd to hyr sowle, seying, "Dowtyr, 
have mynde of thi wykkydnes and thynk on my goodnes." Than sche preyd many 
tymys and oftyn thes wordys, "Lord, for thy gret goodnes have mercy on al my 
wykkydnes as wistly as I was nevyr so wykkyd as thu art good ne nevyr may be thow 
I wolde, for thu art so good that thu mayst no bettyr be. And therfor it is gret wondyr 
that evyr ony man schulde be departyd fro the wythowtyn ende." Than, as sche lay stille 
in the qwer, wepyng and mornyng for hir synnys, sodeynly sche was in a maner of 
slep. And anon sche saw wyth hir gostly eye owr Lordys body lying beforn hir, and 
hys hevyd, as hir thowt, fast be hir wyth hys blissyd face upward, the semeliest man 
that evyr myth be seen er thowt. And than cam on wyth a baselard knyfe to hir syght 
and kytt that precyows body al on long in the brest. And anon sche wept wondyr sor, 
havyng more mynde, pité, and compassyon of the passyon of owr Lord Jhesu Crist 
than sche had beforn. And so every day encresyd hir mynde and hir lofe to owr Lord, 
blissyd mote he ben, and the mor that hir love encresyd the mor was hir sorwe for 
synne of the pepil. An other tyme, the seyd creatur beyng in a chapel of owr Lady sor 
wepyng in the mynde of owr Lordys passyon and swech other gracys and goodnes as 
owr Lord ministryd to hir mynde, and sodeynly, sche wist not how sone, sche was in 
a maner of slep. And anon in the syght of hir sowle sche sey owr Lord standyng ryght 
up ovyr hir so ner that hir thowt sche toke hys toos in hir hand and felt hem, and to hir 
felyng it weryn as it had ben very flesch and bon. And than sche thankyd God of al, for 
thorw thes gostly sytys hir affeccyon was al drawyn into the manhod of Crist and 
into the mynde of hys passyon unto that tyme that it plesyd owr Lord to gevyn hir 
undirstondyng of hys inundirstondabyl Godhed. As is wretyn beforn, thes maner of 
visyons and felyngys sche had sone aftyr hir conversyon, whan sche was fully set and 
purposyd to servyn God wyth al hir hert into hir power, and had fully left the worlde, 
and kept the chirche bothe for none and aftyr none, and most specialy in Lent tyme 
whan sche wyth gret instawns and mech preyer had leve of hir husbond to levyn chast 
and clene and dede gret bodily penawns er sche went to Jerusalem. But aftyrwardys, 
whan hir husbond and sche wyth on assent had mad avow of chastité, as is beforn 
wretyn, and sche had ben at Rome and Jerusalem and suffyrd mech despite and repref 
for hir wepyng and hir criyng, owr Lord of hys hy mercy drow hir affeccyon into hys 
Godhed, and that was mor fervent in lofe and desyr and mor sotyl in undirstondyng 
than was the manhod. And nevyrthelesse the fyr of love encresyd in hir, and hir 
undirstandyng was mor illumynyd and hir devocyon mor fervent than it was befor 
whyl sche had hir meditacyon and hir contemplacyon only in hys manhod, yet had 
sche not that maner of werkyng in crying as sche had befor, but it was mor sotyl and 
mor softe and mor esy to hir spiryt to beryn and plentyuows in teerys as evyr it was 
beforn. An other tyme, as this creatur was in an hows of the Frer Prechowrys wythinne 
a chapel of owr Lady, stondyng in hir preyerys, hir ey ledys went a lityl togedyr wyth 
a maner of slep, and sodeynly sche sey, hir thowt, owr Lady in the fayrest syght that 
evyr sche say, holdyng a fayr white kerche in hir hand and seying to hir, "Dowtyr, wilt 
thu se my sone?" And anon forth wyth sche say owr Lady han hyr blissyd sone in hir 
hand and swathyd hym ful lytely in the white kerche that sche myth wel beholdyn 
how sche dede. The creatur had than a newe gostly joye and a newe gostly comfort, 
wheche was so mervelyows that sche cowde nevyr tellyn it as sche felt it.