2195 
2196 
2197
2198 
2199
2200 
2201
2202 
2203
2204
2205 
2206 
2207 
2208
2209 
2210 
2211 
2212 
2213
2214 
2215 
2216 
2217
2218
2219 
2220 
2221
2222 
2223
2224 
2225 
2226 
2227 
2228
2229
2230 
2231 
2232 
2233 
2234
2235 
2236
2237 
2238
2239
2240
2241
2242
2243
2244 
2245
2246 
2247
2248 
2249
2250 
2251 
2252 
2253 
2254

N
 
 

N
 
 
 
 
 
 
 
 

N
 
 
 
 
 

N
 
 
 
 

   An other tyme, ryth as sche cam be a powr womanys hows, the powr woman clepyd
hir into hir hows and dede hir sytten be hir lytyl fyer, gevyng hir wyn to drynke in a
cuppe of ston. And sche had a lytel manchylde sowkyng on hir brest, the whech
sowkyd o while on the moderys brest; an other while it ran to this creatur, the modyr
syttyng ful of sorwe and sadnes. Than this creatur brast al into wepyng, as thei sche
had seyn owr Lady and hir sone in tyme of hys Passyon, and had so many of holy
thowtys that sche myth nevyr tellyn the halvendel, but evyr sat and wept plentyuowsly
a long tyme that the powr woman, havyng compassyon of hir wepyng, preyd hir to
sesyn, not knowyng why sche wept. Than owr Lord Jhesu Crist seyd to the creatur,
"Thys place is holy." And than sche ros up and went forth in Rome and sey meche
poverté among the pepyl. And than sche thankyd God hyly of the poverté that sche
was in, trostyng therthorw to be partynyr wyth hem in meryte. Than was ther a gret
jentylwoman in Rome preyng thys creatur to be godmodyr of hir childe and namyd it
aftyr Seynt Brigypt, for they haddyn knowlach of hir in hir lyvetyme. And so sche
dede. Sithyn God gaf hir grace to have gret lofe in Rome, bothyn of men and of
women, and gret favowr among the pepyl. Whan the maystyr and brothyr of the hos-
pital of Seynt Thomas, wher sche was refusyd befortyme, as is wretyn beforn, herd
tellyn what lofe and what favowr sche had in the cyté, they preyd hir that sche wolde
come ageyn to hem, and sche schulde be wolcomear than evyr sche was beforn, for thei
weryn ryth sory that thei had put hir awey fro hem. And sche thankyd hem for her
charité and dede her comawndment. And, whan sche was comyn agen to hem, thei
madyn hir ryth good cher and weryn rith glad of hir comyng. Than fond sche ther hir
that was hir mayden befortyme, and wyth ryght schulde a be so stylle, dwellyng in the
hospital in meche welth and prosperyté, for sche was kepar of her wyn. And this
creatur went sumtyme to hir for cawse of mekenes and preyd hir of mete and drynke,
and the mayden gaf hir wyth good wyl, and sumtyme a grote therto. Than sche
compleyned to hir mayden and seyd that sche thowt gret swem of her departyng and
what slawndir and evyl wordys men seyd of hir for thei wer asundyr, but wold sche
nevyr the rathyr be ageyn wyth hir. Aftyrward this creatur spak wyth Seynt Brydys
mayden in Rome, but sche cowd not undirstondyn what sche seyd. Than had sche a
man that cowde undirstondyn hir langage, and that man tolde Seynt Brygiptys mayden
what this creatur seyde and how sche askyd aftyr Seynt Brigypt, hir lady. Than the
mayden seyd that hir lady, Seynt Brigypt, was goodly and meke to every creatur and
that sche had a lawhyng cher. And also the good man wher this creatur was at hoste
telde hir that he knew hir hys owyn selfe but he wend lityl that sche had ben so holy a
woman as sche was, for sche was evyr homly and goodly to alle creaturys that woldyn
spekyn wyth hir. Sche was in the chawmbre that Seynt Brigypt deyd in, and herd a
Dewche preste prechyn of hir therin and of hir revelacyonys and of hir maner of
levyng. And sche knelyd also on the ston on the whech owr Lord aperyd to Seynt
Brigypte and telde hir what day sche schuld deyn on. And this was on of Seynt Brigyptys
days that this creatur was in hir chapel, whech befortyme was hir chawmbre that sche
deyd in. Owr Lord sent swech tempestys of wyndys and reynes and dyvers impressyons
of eyrs that thei that wer in the feldys and in her labowrys wythowtynforth wer
compellyd to entyr howsys in socowryng of her bodiis to enchewyn dyvers perellys.
Thorw swech tokenys this creatur supposyd that owr Lord wold hys holy seyntys day
schulde ben halwyd and the seynt had in mor worshep than sche was at that tyme. And
sumtyme, whan this creatur wolde a gon the Stacyownys, our Lord warnyd hir on the
nyght beyng in hir bed that sche schulde not gon owte fer fro hir ostel, for he schulde
sendyn gret tempestys that day of levenys and thunderys. And so it was in dede. Ther
wer so gret tempestys that yer of thunderys and levenys, of gret reynes and dyvers
wederyngys, that ryth elde men that tyme dwellyng in Rome seydyn thei had nevyr
seyn swech beforn, the levenys wer so plentyuows and so brygth schynyng wythinne
her howsys that thei wendyn verily it schulde a brent her howsys wyth contentys. Than
cryed thei upon the forseyd creatur to prey for hem, fully trustyng that sche was the
servawnt of almyghty God and thorw hir prayerys thei schuldyn ben holpyn and
socowryd. This creatur at her request preyng owr Lord of mercy, he answeryd in hir
sowle, seying, "Dowtyr, be not aferd, for ther schal no wedyr ne tempest noyin the, and
therfor mystrost me not, for I schal nevyr disceyven the." And owr merciful Lord Cryst
Jhesu, as it plesyd hym, wythdrow the tempestys, preservyng the pepyl fro alle
myschevys.