2841 
2842
2843 
2844 
2845 
2846 
2847 
2848 
2849 
2850 
2851
2852
2853 
2854 
2855 
2856 
2857 
2858 
2859
2860
2861
2862 
2863
2864
2865 
2866 
2867 
2868 
2869 
2870 
2871 
2872 
2873 
2874
2875 
2876 
2877 
2878 
2879 
2880 
2881
2882 
2883 
2884
2885
2886
2887 
2888
2889 
2890 
2891
2892 
2893 
2894 
2895 

N
 
 
 
 
 
 
 
 
 
 
 
 
 
 

N
 
 
 
 
 
 
 
 
 
 
 
 
 

N
 
 
 
 

N
 
 

An other tyme ther cam a gret clerke onto hir, askyng thes wordys how thei schuld 
ben undirstondyn, "Crescite et multiplicamini." Sche, answeryng, seyd, "Ser, thes 
wordys ben not undirstondyn only of begetyng of chyldren bodily, but also be 
purchasyng of vertu, whech is frute gostly, as be heryng of the wordys of God, be 
good exampyl gevyng, be mekenes and paciens, charité and chastité, and swech 
for pacyens is more worthy than myraclys werkyng." And sche thorw the grace of 
God answeryd so that clerke that he was wel plesyd. And owr Lord of hys mercy evyr 
he mad sum men to lovyn hir and supportyn hir. And so in this cité of Yorke ther was 
a doctowr of divinyté, Maistyr John Aclom, also a Chanown of the Mynstyr, Syr John 
Kendale, and another preste whech song be the bischopys grave; thes wer hir good 
frendys of the spiritualté. So sche dwellyd stille in that cité fourteen days, as sche br>
seyd beforn, and sumdel mor, and on the Sundays sche was howseld in the Mynster 
wyth gret wepyng, boistows sobbyng, and lowde crying that many man merveyled ful 
meche what hir eyled. So aftyrward ther cam a preste, a worschepful clerke he semyd, 
and seyd unto hir, "Damsel, thu seydest whan thu come first hedyr that thu woldyst 
abydyn her but fourteen days." "Ya, ser, wyth yowr leve, I seyd that I wolde abydyn 
her fourteen days, but I seyd not that I schulde neithyr abydyn mor her ne les. But as 
now, ser, I telle yow trewly I go not yet." Than he sett hir a day, comawndyng hir for 
to aperyn beforn hym in the chapelhows. And sche seyd that sche wolde obey hys 
monycyon wyth a good wil. Sche went than to Maistyr John Aclom, the forseyd 
doctowr, preyng hym to be ther on hir party. And so he was, and he toke gret favowr 
amongys hem alle. Also another maistyr of divinité had behestyd hir to a ben ther 
wyth hir, but he drow on bakke tyl he knew how the cawse schulde gon, whedyr wyth 
hir or agen hir. Ther was meche pepil that day in the chapetilhows of the Mynstyr to 
her and se what schulde ben seyd er do to the forseyd creatur. Whan the day cam, sche 
was al redy in the Mynstyr to come to hir answer. Than cam hir frendys to hir and 
bodyn hir ben of good cher. Sche, thankyng hem, seyd so sche schulde. And aswythe 
cam a preste ful goodly and toke hir be the arme for to helpyn hir thorw the prees of 
the pepil and browte hir beforn a worschepful doctowr, the whech had monyschyd hir 
beforn for to aperyn beforn hym in the chapetylhows as this day in Yorke Minstyr. 
And wyth this doctowr setyn many other clerkys ful reverende and worshepful, of the 
whech clerkys summe lovyd the sayd creatur ryth wel. Than seyd the worschepful 
doctowr to hir, "Woman, what dost thu her in this cuntré?" "Syr, I come on pilgrim- 
age to offyr her at Seynt William." Than seyd he agen, "Hast thu an husbond?" Sche 
seyd, "Ya." "Hast thu any lettyr of recorde?" "Sir," sche seyd, "myn husbond gaf me 
leve wyth hys owyn mowthe. Why fare ye thus wyth me mor than ye don wyth other 
pilgrimys that ben her, wheche han no lettyr no mor than I have? Syr, hem ye latyn 
gon in peys and qwyet and in reste, and I may no rest have amongys yow. And, syr, 
yyf her be any clerke amongys yow alle that can prevyn that I have seyd any worde 
otherwise than I awt for to do, I am redy for to amende it wyth good wille. I wil neithyr 
meynteyn errowr ne heresy, for it is my ful wil to holdyn as Holy Chirche holdith and 
fully to plesyn God." Than the clerkys examynde hir in the Articles of the Feyth and 
in many other poyntys as hem likyde, to the whech sche answeryd wel and trewly that 
thei myth have non occasyon in hir wordys for to disesyn hir, thankyd be God. And 
than the doctowr whiche satt ther as a juge somownd hir to apere befor the Erchebischop 
of Yorke and telde hir what day at a towne hite Cowoode, comawndyng hir to be kept 
in preson tyl the day of hir aperyng come. Than the seculer pepil answeryd for hir and 
seyde sche schulde not comyn in preson, for thei woldyn hemself undirtakyn for hir and 
gon to the Erchebischop wyth hir. And so the clerkys seyd no mor to hir at that tyme, 
for thei resyn up and went wher thei wolde and letyn hir gon wher sche wolde, worschip 
to Jhesu. And sone aftyr ther cam a clerke unto hir, on of the same that had sotyn 
ageyn hir, and seyd, "Damsel, I prey the be not displesyd wyth me, thow I sat wyth the 
doctowr ageyns the; he cryed so upon me that I durst non otherwise don." And sche 
seyd, "Ser, I am not displesyd wyth yow therfor." Than seyd he, "I pray yow than 
preyth for me." "Sir," sche seyd, "I wil alredy."