3771 
3772 
3773 
3774 
3775 
3776
3777 
3778 
3779 
3780
3781 
3782 
3783 
3784 
3785 
3786 
3787 
3788 
3789
3790
3791
3792 
3793 
3794
3795 
3796 
3797 
3798 
3799 
3800 
3801 
3802 
3803 
3804 
3805
3806
3807 
3808 
3809 
3810 
3811 
3812
3813 
3814 
3815 
3816
3817 
3818 
3819

N
N
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

Owr Lord Jhesu Crist seyde unto the sayd creatur, "Dowtyr, thu schal wel seen whan 
thu art in hevyn wyth me that ther is no man dampnyd but he that is wel worthy to be 
dampnyd, and thu schalt holdyn the wel plesyd wyth alle my werkys. And therfor, dowtyr, 
thank me hyly of this gret charité that I werke in thyn hert, for it is myself, almythy 
God, that make the to wepyn every day for thyn owyn synnes, for the gret compassyon 
that I geve the of my bittyr Passyon and for the sorwys that my modyr had her in erde, 
for the angwischys that sche suffryd and for the teerys that sche wept, also, dowtyr, 
for the holy martyres in hevyn (whan thu heryst of hem, thu gevist me thankyngys 
wyth crying and wepyng for the grace that I have schewyd to hem, and, whan thu 
seest any lazerys, thu hast gret compassyon of hem, yeldyng me thankyngys and 
preysyngys that I am mor favorabyl to the than I am to hem), and also, dowtyr, for the 
gret sorwe that thu hast for al this world that thu mythtyst helpyn hem as wel as thu 
woldist helpyn thiself bothe gostly and bodily, and forthermor for the sorwys that thu 
hast for the sowlys in purgatory that thu woldist so gladly that thei wer owt of her 
peyn that thei mythyn preysyn me wythowtyn ende. And al this is myn owyn goodnes 
that I geve to the, wherfor thu art meche bowndyn to thankyn me. And nevyrthelesse 
yet I thank the for the gret lofe thu hast to me and for thu hast so gret wyl and so gret 
desyr that alle men and women schulde lovyn me ryth wel, for, as thu thynkyst, holy and 
unholy alle thei wolde have good to levyn wyth as is leful unto hem, but alle wyl not 
besyn hem to love me as thei do to geten hem temperal goodys. Also, dowtyr, I thank 
the for thu thynkyst so long that thu art owt of my blyssed presens. Forthermor, I 
thank the, dowtyr, specyaly for thow mayst suffyr no man to breke my 
comawndementys ne to sweryn be me but yyf it be a gret peyne to the and for thu art 
alwey redy to undyrnemyn hem of her sweryng for my lofe. And therfor hast thu 
suffyrd many a schrewyd word and many a repref, and thu schalt therfor han many a joy 
in hevyn. Dowtyr, I sent onys Seynt Powyl unto the for to strengthyn the and comfortyn 
the that thu schuldist boldly spekyn in my name fro that day forward. And Seynt 
Powle seyd unto the that thu haddyst suffyrd mech tribulacyon for cawse of hys 
wrytyng, and he behyte the that thu schuldist han as meche grace ther agens for hys 
lofe as evyr thu haddist schame er reprefe for hys lofe. He telde the also of many joys of 
hevyn and of the gret lofe that I had to the. And, dowtyr, I have oftyntymes seyd to the 
that ther is no seynt in hevyn but yyf thu wilt speke wyth hym he is redy to the to 
comfortyn the and spekyn to the in my name. Myn awngelys arn redy to offyrn thyn 
holy thowtys and thi preyerys to me and the terys of thyn eyne also, for thi terys arn 
awngelys drynk, and it arn very pyment to hem. Therfor, my derworthy dowtyr, be 
not yrke of me in erde to syttyn alone be thiself and thynkyn of my lofe, for I am not 
yrke of the and my mercyful eye is evyr upon the. Dowtyr, thu mayst boldly seyn to 
me `Jhesus est amor mes,' that is to seyn, `Jhesu is my lofe.' Therfor, dowtyr, late 
me be al thy lofe and al the joy of thyn hert. Dowtyr, yyf thu wilt bethynk the wel, thu 
hast rith gret cawse to lofe me abovyn al thyng for the gret gyftys that I have govyn the 
befortyme. And yet thu hast an other gret cawse to lovyn me, for thu hast thi wil of 
chastité as thu wer a wedow, thyn husbond levyng in good hele. Dowtyr, I have drawe 
the lofe of thin hert fro alle mennys hertys into myn hert. Sumtyme, dowtyr, thu thowtyst 
it had ben in a maner unpossybyl for to ben so, and that tyme suffyrdyst thu ful gret
peyne in thin hert wyth fleschly affeccyons. And than cowdyst thu wel cryen to me, 
seying, `Lord, for alle thi wowndys smert, drawe al the lofe of myn hert into thyn 
hert.' Dowtyr, for alle thes cawsys and many other cawsys and benefetys whech I 
have schewyd for the on this half the see and on yon half the see, thu hast gret cawse 
to lovyn me.